އުމުރުން 27 އަހަރުގެ އެމްބާޕޭ މިހާތަނަށް ކުޅުނު ދެ ވޯލްޑް ކަޕްގައި ވެސް ވަނީ ފައިނަލް ކުޅެފަ އެވެ. ބްރެޒިލްގެ ލެޖެންޑް ޕެލޭއާ އެއްގޮތަށް ވާދަކުރި ފުރަތަމަ މުބާރާތުގައި ވެސް ވަނީ ޗެމްޕިއަންކަން ހޯދައިފަ އެވެ. އެ މުބާރާތުގެ އެންމެ މޮޅު ޒުވާން ކުޅުންތެރިޔަކަށް ހޮވުނީ، އޭރު އުމުރުން އެންމެ 19 އަހަރުގެ އެމްބާޕޭ އެވެ. އެންމެ ފަހުން ކުޅުނު މުބާރާތުގެ ފައިނަލްގައި އާޖެންޓީނާ ކޮޅަށް ހެދި ހެޓްރިކުން ޓީމު މޮޅު ނުވިޔަސް އެ މުބާރާތުގެ ޓޮޕް ސްކޯރާއަކީ އޭނާ އެވެ. އޭނާ ވަނީ ޕެލޭއާ އެއްވަރަށް، ވޯލްޑް ކަޕްގައި މިހާތަނަށް 14 މެޗު ކުޅެ، 12 ގޯލު ޖަހައިފަ އެވެ. ދެން އޮތީ ޕެލޭ ހޯދި އަދަދަށް ވޯލްޑް ކަޕް ކާމިޔާބުކުރުމުގެ އަމާޒަށް ވާސިލްވުމެވެ.