ޕޯޗުގަލް ގޮވައިގެން އުމުރުން 41 އަހަރުގައި ރޮނާޅްޑޯ ނުކުންނަނީ އޭނާގެ ހަ ވަނަ ވޯލްޑް ކަޕަށެވެ. ރޮނާލްޑޯ އަކީ ގައުމީ ޓީމަކަށް މިހާތަނަށް އެންމެ ގިނަ މެޗު ކުޅެދީ، އެންމެ ގިނަ ގޯލު ޖަހައިދީފައިވާ ކުޅުންތެރިޔާ އެވެ. އޭނާ ވަނީ މިހާތަނަށް ކުޅުނު ފަސް ވޯލްޑް ކަޕްގައި ވެސް ގޯލު ޖަހައިފަ އެވެ. މިހާތަނަށް ކްލަބާއި ގައުމީ ޓީމަށް 970 ގޯލު ޖަހައިދީފައިވާ ރޮނާލްޑޯ އަށް ހާސިލް ނުވެ އޮތް ހަމައެކަނި މުބާރާތަކީ ވޯލްޑް ކަޕެވެ. އެހެންކަމުން އޭނާ ބޭނުންވަނީ ކެރިއަރު ނިންމާލުމުގެ ކުރިން އެ އުއްމީދު ހާސިލްކުރާށެވެ. އެކަމަށް ބޭނުންވާނެ ވަރުގަދަ ސްކޮޑެއް ޕޯޗުގަލް ޓީމުގައި އެބައޮތެވެ.