ކޭޕް ވާޑޭ
SCORES
2–0
FT
2–0
FT
Spain
Cape Verde
Uruguay
Cape Verde
Cape Verde
Saudi Arabia
ކޭޕް ވާޑޭ އަކީ އެފްރިކާގެ ހުޅަނގު ބިތުގައި އޮންނަ ކުޑަކުޑަ ގައުމެކެވެ. ޕޯޗުގަލްގެ ކިބައިން 1975 ވަނަ އަހަރު މިނިވަންވި ކޭޕް ވާޑޭ އަންނަނީ 2002 އިން ފެށިގެން ވޯލްޑް ކަޕްގައި ވާދަކުރަމުންނެވެ. މިއީ ވޯލްޑް ކަޕަށް އެގައުމު ކޮލިފައިވި ފުރަތަމަ ފަހަރެވެ. ފުޓްބޯޅައިގައި އެޓީމަށް ލިބިފައިވާ އެންމެ ބޮޑު ކާމިޔާބީއަކީ 2023 ވަނަ އަހަރުގެ އެފްރިކަން ކަޕްގެ ކުއާޓާ ފައިނަލަށް ދެވުމެވެ.
މިފަހަރުގެ ކޮލިފައިންގައި ކޭޕް ވާޑޭ ވަނީ 23 ޕޮއިންޓާ އެކު ގްރޫޕުގެ އެއް ވަނަ ހޯދައިފަ އެވެ. ކޮލިފައިންގައި ކުޅުނު 10 މެޗުގެ ތެރެއިން ހަތް މެޗު އެގައުމުން ކާމިޔާބުކުރި އެވެ. ދެ މެޗު އެއްވަރުވިއިރު ބަލިވީ އެންމެ މެޗަކުންނެވެ. ކޭޕް ވާޑޭއާ އެކު ކޮލިފައިންގައި ވާދަކުރި ގައުމުތަކަކީ ކެމަރޫނާއި ލީބިޔާގެ އިތުރުން އެންގޯލާ، މައުރީޝިއަސް އަދި އެސްވަޓީނީ އެވެ.
ނުވަދިހައިގެ އަހަރުތަކުން ފެށިގެން 2005 ވަނަ އަހަރާ ހަމައަށް ބަބިސްޓާ ވަނީ ގައުމީ ޓީމަށް 21 މެޗު ކުޅެދީފަ އެވެ. ކުޅުން ހުއްޓާލުމަށް ފަހު ކޯޗިންގައި ގައުމުގެ ކްލަބްތަކަށް ކޯޗުކޮށްދިނެވެ. ގައުމީ ޓީމާ ބަބިސްޓާ ހަވާލުވީ 2020 ވަނަ އަހަރު އެވެ. އެފްރިކަން ކަޕްގެ ކުއާޓާ ފައިނަލަށް އެގައުމުގެ ގެންގޮސްދިނީ ބަބިސްޓާ އެވެ. އަދި ވޯލްޑް ކަޕްގެ ޖާގަ އެގައުމަށް ފުރަތަމަ ފަހަރަށް ކަށަވަރުކޮށްދިނުމާ އެކު ބަބިސްޓާ އަށް ވަނީ ސަރަހައްދުގެ އެންމެ މޮޅު ކޯޗުގެ މަގާމު ވެސް 2025 ވަނަ އަހަރު ލިބިފަ އެވެ.
މުހިއްމު ކުޅުންތެރިން:
ވޯލްޑް ކަޕާ ހަމައަށް އެގައުމު ކުރި ދަތުރުގައި އެންމެ ފާހަގަކޮށްލެވޭ ދެކުޅުންތެރިންނަކީ ފޯވާޑް އަދި ކެޕްޓަން ރަޔަން މެންޑޭސް އާއި ފޯވާޑް ޑައިލޮން ލިވަރްމެންޓޯ އެވެ. މެންޑޭސް އަކީ ގައުމީ ޓީމަށް އެންމެ ގިނަ މެޗު ކުޅެދިން ކުޅުންތެރިޔާ އެވެ. ކޭޕް ވާޑޭ ޓީމަށް ކޮލިފައިންގައި އެންމެ ގިނަ ގޯލު ޖަހައިދިނީ އެއް ނަންބަރު ފޯވާޑް ލިވަރްމެންޓޯ އެވެ. ކޮލިފައިންގައި ލިވަރްމެންޓޯ ހަތަރު ގޯލު ޖެހިއިރު، ވޯލްޑް ކަޕަށް ކޮލިފައިކޮށްދިން މެޗުގައި ޖެހި ގޯލު ވެސް ހިމެނެ އެވެ. އެހެން ކުޅުންތެރިންނަށް ބަލާއިރު ކޮލިފައިންގައި ހަތް ކްލީންޝީޓް ހޯދި 39 އަހަރުގެ ގޯލްކީޕަރު ވޮޒީނިއާ ވެސް ފާހަގަކޮށްލެވެ އެވެ.
Cape Verde
0
0
0
0
0
Saudi Arabia
0
0
0
0
0
Spain
0
0
0
0
0
Uruguay
0
0
0
0
0