ޕެރަގުއޭ
SCORES
vs
00:00 MVT
vs
00:00 MVT
USA
Paraguay
Turkey
Paraguay
Paraguay
Australia
ދެކުނު އެމެރިކާ އަށް ނިސްބަތްވާ ޕެރަގުއޭ ވަނީ މީގެ ކުރިން 8 ފަހަރު ވޯލްޑް ކަޕުގައި ކުޅެފަ އެވެ. އެ ޓީމުގެ އެންމެ ކާމިޔާބު ފަހަރު ކަމަށްވާ 2010 ގައި ކުއާޓާ ފައިނަލުގައި ވާދަކުރި އެވެ. އެ ފަހަރު ބަލިވީ ޗެމްޕިއަން ސްޕެއިން އަތުން 1-0 އިންނެވެ.
މިފަހަރުގެ ވޯލްޑް ކަޕަށް ޕެރަގުއޭ ކޮލިފައިވީ ދެކުނު އެމެރިކާ ސަރަހައްދުގެ ހަ ވަނަ ހޯދައިގެންނެވެ. ބްރެޒިލާ އެއްވަރަށް އެ ޓީމުން ޕޮއިންޓް ހޯދިއިރު ފަހު މެޗުތަކުގައި އެޓީމުން މޮޅު ކުޅުމެއް ދެއްކި އެވެ.
އާޖެންޓީނާ އަށް އުފަން އުމުރުން 63 އަހަރުގެ ގުސްޓާވޯ އަލްފާރޯ ޕެރަގުއޭގެ ކޯޗުކަމާ ހަވާލުވީ 2024 ވަނަ އަހަރު އެވެ. އޭގެ އޭނާ 2020 އިން ފެށިގެން 2024 އާ ހަމައަށް އިކުއެޑޯ އަދި ކޮސްޓަ ރިކާގެ ކޯޗުކަން ކުރި އެވެ.
ޕެރަގުއޭގެ ފުޓްބޯޅަ އަށް ކުރިއެރުން އައުމުގެ ކޯޗު އަލްފާރޯގެ ދައުރު ބޮޑެވެ. އޭނާ ޓީމާ ހަވާލުވުމަށް ފަހު ރަނގަޅު ޑިސިޕްލިންއަކާ އެކު ޑިފެންސިވް މޮޅު ސްޓައިލަކަށް ކުޅުން ބަދަލުކޮށްލި އެވެ. ވޯލްޑް ކަޕް ކޮލިފައިން ދަށްކޮށް ފެށިނަމަވެސް އަލްފާރޯ ކޯޗުކަމާ ހަވާލުވެ ބަލިނުވެ ނުވަ މެޗު ހަމަކުރި އެވެ. އަދި ކޮލިފައިންގައި އެޓީމު ކޮޅަށް ވަން 10 ގޯލަކީ އާޖެންޓީނާއާ އެކު އެންމެ ރަނގަޅު ޑިފެންސިވް ރެކޯޑެވެ.
ޕެރަގުއޭގެ އެންމެ ތަޖުރިބާކާރު އެއް ކުޅުންތެރިޔަކީ އެމެރިކާގެ އެޓްލާންޓާ ޔުނައިޓެޑަށް ކުޅެމުން އަންނަ މިގުއެލް އަލްމިރޮން އެވެ. އުމުރުން 32 އަހަރުގެ އަލްމިރޮން އަންނަނީ 2015 އިން ފެށިގެން ގައުމީ ޓީމަށް ކުޅެމުންނެވެ. އިތުރު ކުޅުންތެރިންނަށް ބަލާއިރު އެޓޭކިން މިޑްފީލްޑަރު ހޫލިއޯ އެންސިސޯ އާއި ފޯވާޑް އެންޓޯނިއޯ ސަނަބްރިއާ ފާހަގަކޮށްލެވެ އެވެ. ކޮލިފައިންގައި އެންސިސޯ ތިން ގޯލު ޖެހިއިރު ހަތަރު ގޯލާ އެކު އެގައުމަށް އެންމެ ގިނަ ގޯލު ކޮލިފައިންގައި ޖަހައިދިނީ ސަނަބްރިއާ އެވެ.
Turkey
0
0
0
0
0
USA
0
0
0
0
0
Paraguay
0
0
0
0
0
Australia
0
0
0
0
0